La lettera aperta di Santa Rosalia ai palermitani

Lo scorso anno la stesura della lettera è stata affidata all'attore Salvo Piparo, quest'anno alla poetessa Lina la Mattina. Per il secondo anno, il movimento Muovi Palermo, in occasione del Festino di Santa Rosalia, dedica una littira ai palermitani da parte della Santuzza. La lettera verrà distribuita in 5000 copie durante il corteo da tante "Santuzze" e a partire dalle ore 23, quando la Santuzza scenderà dal Cassaro, andando verso il mare, cadranno migliaia di lettere dal cielo.

LITTRA APERTA DI SANTA RUSULIA A LI PALIRMITANI

Carissimi palirmitani, oramai sunnu 387 anni ca mi facistivu Patruna di Palermu e siccomu mi chiamati a tutti l’ura e li minuti, comu fussi una di famigghia... doppu tantu dorniri mi susivu stanotti pri sgrancari l’ossa camuluti di l’ùmitu di sta grutta e scurdannumi d’essiri ‘na Santa comu la fimmina curaggiusa ca fuvu un tempu, vi scrivu... ca sugnu stanca di sintìrivi sempri lamintari. Sacciu già, ca non a tutti farà piaciri sentiri ‘nzoccu haju a diri, e pri megghiu farimi ascutari ‘n sicilianu vi scrivu, d’accussì nuddu po’ diri: “iu nun lu capisciu lu talianu”!
Sugnu sicura ca mancu mmaginati la pena, quantu mi doli lu cori, vidennu comu ‘n tanti siti arriddutti: malati, arrabbiati, disoccupati, dispirati... certu, cu tuttu chiddu c’haviti a suppurtari li vileni ca vi fannu manciari, li cazzicatummuli ca lu rituffu di certi pulitici, vinnuti a latri e dilinquenti di l’italicu putiri, vi custrincinu a fari pri tirari a campari... e comu si nun bastassi distrugginu Palermu, un tempu riggina di biddizzi, jardina e funtani, ‘ncurunata stati e mmernu di ciuri...di tutti amata, addisiata e ora, ridutta un cessu, china ‘nzinu a la vucca di fetu, surci, munnizza... latri e malacarni ca ogni strata e marciapiedi ‘ncrustaru di sangu nnuccenti, c’appiru puru lu curaggiu di prufanari la me’ casa, mittennu tanta brava genti cu li spaddi a lu muru e li scardi all’ugna...ca nenti nenti comu vostra Santa Prutittrici l‘aveva a mmalidiri, sdirrubbari di lu munti... ma sugnu ‘na Santa e puru ca nun lu fussi, nun pozzu fari “occhiu pri occhiu, denti pri denti chi muriu a fari allura, lu Cristu ‘n cruci, si mancu dumil’anni abbastaru p’apprenniri l’amuri?